‘A Tlangpi In Nu Le Va An I Thennak A Ruang' Phun 15

1.      A ruang pakhat khat ruangah a thi/um mi

• A rum tuk ruang ah maw si lo ah thil tikhawhnak a ngei ruang ah a thi/um mi, Cun i duh huaha loin nupa sualnak tuah i naupawi sual ruang ah a thi/um mi cu
  

  

  caan sau an um ti kho lo. An lungdi an I riamh kho taktak lo. Nu le pa nih hnekmi zong hi a si ve. Nain  nu le pa nih hnekmi cu a tam deuh cu an I then hraw lo.

2.      Sining I thlennak ruangah

• Micheu khat cu an I um hnu tlawmpal ah fa an ngei. Fa an ngei tikah an fale lawng kha a biapi ah an chiah, a nupi/va kha zei ah an rel lem ti lo. Cuhlan a zitmuai bantukin a zitmuai kho ti lo. Cutikah pakhat le khat kar ah siiknak a chuak, remlonak a karh tik ah I thennak tiang zong a chuak.

3.      Tangka kong ah

• Laimi chung ahhin cun kan um hraw lai lo nain miphun dang tampi cu an I thennak hi tangka kong ah a rak si  tawn. Nu le va a simi nih Bank Card I hrawm lo tikah pakhat nih a hmannak le pakhat nih a hmannak tangka kha an I theih khawh lo. Cutikah rian a tuan veve mi an si ahcun ka tangka na hman tiah pakhat le khat I hmuhthiam lo a fawi te I phaisa ruangah a then zong a hung um theo.

4.      I zumhlonak ruang ah

• Na nupi/va kha na zumh kholo ahcun caan sau nan um ti kho lai lo. Nangmah nih na hmuh/theih lomi mi nih an in chimhmi na nupi/va kong ah na lung a rang tik ah, a si le si lo (a tuah le tuah lo) theih setsai loin na duhning poh in na ti i na nupi/va nih a duh ve lo i A donghnak ahcun I thennak nih an bawh ko hna.

5.      Biaknak le nunphung a dan ruang

• Na nupi/va he nan biakmi a dan ahcun khakha a poi ngaimi thil pakhat a si. Miphun dang thit/vat hi, hi zawn ah a lang khun ka ti. Nang khrihfa na si I na nupi/va kha biaknak dang a biami a si tik ah hmun khat ah pathian zong nan biak ti kho lo. Fa nan ngei chinchin ahcun, nan fale kha keimah biaknak bia seh tiin i kuaihnak a um. Cu nih cun I thennak kutka an ong piak hna bantuk a si. Nunphung zong hi a rak si ve. Nan nunphung a khat lo tikah pakhat le khat zei I rel lonak nanmah nunphung maw kanmah nunphung tiin I lak riangmang a fawi te. Cutikah cun nan I dawtnak a zor ter tawn I thennak lam ah an hruai tawn hna.

6.      A kut a zaangmi

• Pa deuh kan si ko lai tiah ka ruah. Na nupi cung ah kut thlak na hmang sual, hriamnam hmang in na therhkhawnh sual ahcun kha nih khan nan i thennak tawhfung an pek bantuk a si. Na nupi nih an tih lai. Na sin ah ther le phang lengmang in um cu a zuam lai lo i amah te lawng um hmanh a thim deuh lai. Cutikah i then sih ti kha fawi tein a kaa in a chim lai.

7.      Tuan tuk ah a thi/um mi

• Atu kan chan hi nupi le va ngeih kan tuan deuhdeuh hna. Kum 16/17 hna nih va an ngei, nupi an ngei cang. Cutikah nutling/patling dirhmun in vun um dingah an thluak le an sining nih a phan kho deuh lo. An ruahnak a tlawm tuk rih. Ngakchia le nungak tlangval nunning in nun nih an nun a hiar peng hna. Cutikah caan sau hmanh hmun khat ah um ti huaha loin an I then hna.

8.      Zuk hmawm/ zudin ruang ah

• Laimi zong hi zuk hmawn, zudin mi kan tam ngai hna. Hi nihhin  inn chungkhar a dawn lo tiin ruah  a fawi te nain a rak dawn tuktu a si. Zu na din kuak na zuk, a dangdang rithai sii pawl na tongh tikah an suai kho. An suai hnuhnu cu na nupi nakin kha bantuk kha na thim deuh lai. Cutik ah nan innchung khar ah dawtnak a leng ti lo. Nan si a fak rih lai. Na nupi nih nan innchungkar kha a biapi ah na chia lo a thei deuhdeuh lai.  Lungdongh hnu ahcun I then loin um kho a si lai lo. Nan I then hrimhrim lai.

9.      Phohpian ruang ah

• Nu le va hi an phohpian nak a ruang a um tawn. Pakhat le khat di I riamh lo ruangah maw, siloah an rak I um lio ah a duh balmi an si lo ruangah maw tiin a um. Na nupi/va nih nungak/tlangval dang a thli tein an ngeih taak ti na theih ahcun a ka duh taktak lo caah a si tiin ruah loawk a tha lo. Na nungak/tlangval he lam nan lenti lio hna an hmuh caan a um lai. Cutikah i then cu a poi hrim ah na chia ti lai lo.

10.   Pakhat le khat hmunkhat te ah um ti lo ruang

• Nu le va hmun khat teah a um ti kholo mi an tam ngai tawn. caan tam deuh cu, rian an tuan, zung an kai tibantuk ruangah. Cutikah nan sining zong I thlen a fawi te. Hmunkhat te ah raw lei ti le bia a ruah khawh pengmi nan si lo tikah cun a kum in a kal tikah I thennak zong a chuak kho.

11.   Thil pakhat nih a/n suai ruangah

• Na va/nupi kha phaisa I lawng (Betting)  in phehkah, a dangdang (Gamble pawl) nih a suaimi a si ahcun caan sau nan um ti kho lai lo cu a fiang. A ruangcu nan ngeihmi hnihchun in mah pawl ah khan hman a duh deuh lo, inn chungkhar caah hman I tim lem loin. Cutik ah nangzong na lungfak lai. Lawmhnak ni nan innchung khar ah a lo lai I a donghnak ahcun I thennak kha a si ko lai.

12.   Umtu ziaza/hoiher

• Na nupi/va kha a nun ziaza a chiakha tukmi a si sual ahcun, laimi sining ahcun chungkhat, cingla, le rualchan he an I rem kho lai lo. Cutik ah I thennak bia le na nupi/va an remlonak lawng te kha na chungkhat pawl sin in na theih lai. Cu nih cun nangmah zong na lung an thlen khawh I, I then zong a poi ah na chia ti lai lo.

13.   Nu le va kar thil (Sex)

• Pakhat le khat di I riamh lonak nihhin thennak a chuakpi kho. Laimi chung ahcun kan um lai ka zum lo. Na nupi/va he diriam tein zaan rian ( Nu pa sualnak) nan tuan/hman ti  kholo ahcun kha nih khan nan I dawtnak le nan I pehtlaih ning a der ter lai. Mirang nih an timi cu nu le va dawtnak cu nupa sualnak a si tiah an ti. Diriam tein nan hman kholo tik ah cu nih cun I thennak a chuahpi kho. Mirang cheukhat khi mah ruang ah an I then ngai tawn.

14.   Fim thiamnak ah a/n chanbau ruang ah

• Na nupi/va kha fim thiamnak lei ah a chanbau ngaimi a si ahcun, kha nih khan nangmah zong na nupi/va kha zei rellonak, cun na tangah chiah duhnak lungthin an ngeihter khawh. Na nupi/va kha zei I na rel lo I nehsawh thlanglamh phun in na la peng ahcun, Na nupi/va nih a duh ve lai lo. Cutikah nan pahnih kar ah  dawtnak hri a chat tu an si kho I thennak tlang ah tla lakin an nam lai.

15.   Bia I al lengmang ruang ah

• Kherhlainak an tuahmi ah 56% hi bia I al lengmang ruang an I then ti a si. Na nupi/va kha a phunzai tukmi a si I na ngaihthiam peng kholo tikah, cunih cun I thennak a chuakpi tawn. Laimi chung zong ah a um khomi si a um zong um lo kho. Nain na nupi/va he rian nan tuan veve. Inn chung thilri lei nan i rinh veve, fa le zohkhenh nan i rinh veve than. cu nih cun Atu le tu in bia  I alnak, pakhat le khat i zai hnawhnak a chuak. A donghnak ahcun thinhung tuknak a chuak I na nupi/va he um ti kha na lawm kho ti lo. I then cu na duh deuh suaimau cang I thennak kutkaa ong zong a poi ah na chia ti lo.