'A Donghnak Bia'

     Kum 15 lawng a si rihmi ngachia nute. Sara cu zanlei sang ah inn ah lungnuam lo ngai sianginn in a rak tin. A lungnuam lonak a ruang cu a hawikom tha taktak pakhat he thil pakhat khat ruangah an i velh caah a thinlung a dam kholo. A nu nih 'Sara, na thil i thlen law rawlchuannak lei ah rak ra ta hih. khengbel tawl ding a um' tiah a ti. Sara cu a rak ra i awhrang ngai khin 'zeidah na herh?' tiah a nu cu a leh. 'Ka fa mah ti khan nu le hna chawn biak phung a si lo cuta. Na ngaichih te lai.' tiah awnem tein a nu nihcun a hei sik pah. Sara nih cun zei ah rel lem loin khengbel tawlnak i kheng le hrai pawl cu a hei tengh chih hna. Cu zawng ahcun hrai pakhat cu a kuai sual i sara kut cu fak ngai in a at. Sara nihcun 'A nu chu' Fuck..' tiah a au len tikah a nu nih cun a zoh kho ti lo i 'kafa ziah mahbantuk bia kha na chim ngam. A ran khawh chung in na innkhan ah lut' tiah a nu nih cun a caak. Sara nih cun 'ka huam loh. a ti pah in a nu nih a kut hnawhnak ding puante a pekmi cu a nu lei ah a hei cheh chin.' A nu nih cun 'atu voikhat in ka huam loh ti than, zeidah a cang lai timi na theih lai.' tiah a ti. Sara nih cun thang taktak in 'ka huam loh. ka lut kholo' tiah a nu bia cu a leh than. A nu nih cun a thin a sum kho ve ti lo i Sara cu a hmai ah a bengh. A nu nih hin a rak bengh bel lo. Cutikah Sara cu a fahsak tuk i a nu cu mit zong thep loin a zoh chih. inn lenglei ah a tli i 'kan hua tuk' tiah a au chih. A nu nih cun a hnulei in a hei dawi. Sara nih cun 'rak ka dawi hlah' tiah a mitthli he lam a phiat lio ah a nu cu a ti. tlawmpal a hung tli ahkhin mawtaw thawng le mipi aw nih a hnathlam in duk tiah a hun theih. A hun i mer cu zeitik hmanh ah a ruat bal lomi, hi bantuk thil a cang te lai ti zong zanmang hmanh ah a manh bal lomi thil cu chikhat te ah zilthli hrang bang a hun phanh. Sara cu a hnulei her in a rak tli thluahmah i thi le hnai he lamlai ah a ril komi cu a hei fuh tikah a nu a rak si diam ai. 'A si kholo. ka nu, ka dawt tuk mi ka nu' tiah mah hngal loin a au len nain zeisan a tlai ti lo. A nu cu a thaw a cat cang. Sara nih a lu a hun tun zongah a tlu than. Cutikah, a hnu bik a nu he an um ti lio i 'kan hua tuk' tiah a rak timi bia kha ngaihchihnak nih a nun a chilh. nain zeisan hmanh a tlai ti lo.

Na nu le pa, na minung hawi kha 'kan hua tuk. kan fih tuk' tiah na ti sual hna maw? Na ti sual hna ahcun kha bia kha a hnu bik an sin ah na chim zong a si kho.