'Na Mang Ah Mipakhat khat Na Hmuhnak A Ruang':

Minung nih mang hi kan ngei dih cio mi a si bantukin, kan mang ah mipakhat khat (na hawikom, chungkhat, duhmi, huatmi tbk) na hmuh caan hna a tampi lai. Hihi ahopoh kan si tawn cio mi zong a si hlei ah kan hrial khomi thil zong a si lo. Nangmah tein na tuak ahcun a phi hi na chuak kholo men lai. Cucaah, zeiruang ah dah kan mang ah mipakhat khat kan hmuh hna?

A Phi: Mipakhat khat kha zan na it lai ah na ruat tikah, mah na ruahmi pa/nu kong kha na lung ah a caam liote ah naa hngilh pi chih, cuticun mah nu/pa kha na mang ah na hun hmuh beh hna nak a si. Culawng si loin mipakhat khat kha a kong na ruat tuk, a herh lo tiangin na ruah (Caan tam deuh) tikah mah nu/pa kha na ruahnak ah a taang peng, na thinlung ah a tap caah, cucu na mang ah na hun manh chih hna.